| |
[ 2015/05/17 13:10 |     ty ]
点击在新窗口中浏览此图片

终于买咗 Tesla ,当然是 Tesla 的 Model S 。我说「终于」,因为其实想买好耐,但想买之馀,也有一个 point 需要说服自己。锺意车的人,通常好紧张引擎够唔够响。强劲的引擎声,是爱车之人最悦耳的音乐。Model S 是电动车,引擎冇声。女人和车一样,声要够劲,男人先有反应,没有声的车,就是男人最讨厌的死鱼。

但有次坐朋友的 Model S,改变了我对「声」的执着,让我终于说服自己要做 Tesla 车主。那次,朋友的 Tesla 停在红绿灯前,隔离刚巧有部蓝色「扫把佬」,即是那部旺角金毛飞的专属座驾。扫把佬司机轻佻的瞧一瞧我的朋友,我朋友又懒係唔 care 咁望一望个司机,係人都知佢哋想点。

朋友和扫把司机注视着红绿灯,屏气凝神,我确保安全带扣好。绿灯,大家差不多同一时间起步,扫把佬的引擎放声咆哮,但叫到拆天都冇用,因为 Tesla 粒声唔出已经过咗佢头。这一幕,让我想起 American Gangsters 这部电影。饰演 Frank Lucas 的丹素华盛顿说,the loudest one in the room is the weakest one in the room ,明白晒。

Tesla Model S 有很多卖点,专业的车评人已经介绍过,但有一点从来没有人提及。Tesla 的最大好处,是它大大拉近了有钱人和普通人的距离。喺美国,一部 Model S 的价钱等于一部平治 S-Class ;喺香港,多得电动车的免税优惠,Model S 是 S-Class 的一半价钱。有钱佬 buy 架车够环保,我 buy 架车够抵,抵就抵在用普通人嘅价钱就买到有钱佬嘅玩意。

点击在新窗口中浏览此图片

时不时经过和记大厦,一经过就会见到大厦的最上层停车场。那个位置,是和记大班霍建宁的专属车位。霍生转咗边架靓车,一经过实睇到。有次见到佢架黑色法拉利,又有次见到佢架浅蓝色宾利,全部都是超级富豪的玩意,我这个中环白领当然只有羡慕的份儿。但竟然有次,霍生泊咗架 Tesla 喺嗰度。平时都唔觉架 Tesla 咁型,但一见佢停喺打工皇帝嘅御用车位,我直情想即刻跪喺地下,对住部车扣三个响头。

普通打工仔讲年薪,霍生呢啲打工皇帝讲咩?梗係讲秒薪!霍生的秒薪是港币十二个四毫四,试吓每秒钟掟十二个四毫四落地下,睇吓你数唔数到有几多钱。钱多到数唔晒,就係霍生嘅境界。叶朗程秒薪得几毫子,但係都买得起部 Tesla,你话架车係唔係拉近咗有钱人同普通人距离?

不过我最欣赏 Tesla 的,还是背后那位「发明者」Elon Musk。很多富豪的成功,都是「时势造英雄」,但 Elon Musk 是逆着时势走出一条成功之路来的。那时候,没有很多人能够接受电动车,Tesla 的营运资金只够用多一星期。Elon Musk 接近精神崩溃,但他依然要冷静地做一个 do or die 的决定。一係就放弃 Tesla,二就係用自己全副身家帮 Tesla 续命,Elon Musk 选择后者。

救 Tesla 的不只 Elon Musk,还有美国政府的贷款。很多人睇死 Tesla,华尔街列出几家最不会成功的企业,Tesla 那时候排第一。适逢美国总统大选,Mitt Romney 仲用呢样嘢攻击奥巴马,话奥巴马 pick the losers,用纳税人嘅钱帮一啲死梗嘅公司。今天我们当然知道,Tesla 卖得有几好,股价升得有几劲。最型是 Elon Musk 在电视机面前向全世界宣佈,Tesla 连本带利还返晒啲钱畀返政府,仲要係比原定时间早咗九年还。

点击在新窗口中浏览此图片

人总是在身陷绝境的时候,才会做出动地惊天的决定。至于是好像 Elon Musk 般动地惊天地聪明,还是动地惊天地愚蠢,当然要等到下完决定之后才有分晓。除了身陷绝境,人还会在另一个情况做出惊天动地的决定,就是飘飘然的时候。

股市里,有人赚到少少钱就飘飘然,觉得自己係股神。之后做出动地惊天的决定,辞去工作,全职炒股,结局係点唔使讲。除了股坛之外,文坛也有动地惊天的笨实。本来不公开身份,然后选择露面,怎料这样动地惊天过后,就来到终结的一刹,露咁耐霉咁耐。飘飘然的时候,讲嘢会大大声,慌死人唔知你威,输得最惨就係呢啲人。

身陷绝境的时候要冷静,飘飘然的时候要更冷静。大大声说出来的成功,是虚荣感;粒声唔出地收藏起来的成功,像 Tesla 那样,才是优越感。「冇声,唔係死鱼咩?」又嚟「终极任你拣之有得拣等于冇得拣」的选择题:咁你宁愿要一件叫到拆天嘅猪扒,定係要个粒声唔出嘅林志玲?

有丰富格斗经验嘅男人都知道,靓女,通常都是死鱼。

Text by :叶朗程 @ Apple Daily



Via 本站原创 | 八卦车坛 | 评论(0) | 引用(0) | 阅读(3371)
分享到: