| |
[ 2016/04/22 18:21 |     ty ]
点击在新窗口中浏览此图片

甄卓伟,无论玩车定赛车界都知道佢係一位爱车之人,亦都係一位职业赛车手。好多时候我地去玩小型赛车,又或者真正落车斗车,你可能会谂:点解你会比你嘅对手慢,点解佢可以用一个你觉得无可能嘅速度入同一个弯。其实揸车同揸街有一个共通点,就係驾驶者心中嘅感觉会直接影响车嘅表现。



视频链接   *视频链接支持 iOS (iPhone / iPad) 及 Android 直接播放


知识、理论、技术,讲起上黎好似好空泛。係架,因为你了解左之后,下一步就係要依靠你自己去冲破心入面嘅障碍。唔明白嘅话,唔係代表你唔清楚字裡行间嘅意思,只係你未够胆去走出自己嘅 Panic Zone 。但点样叫做明,就只有你自己先知。

甄卓伟自小由父亲培育对汽车嘅热诚,最后踏上职业赛车手呢条路,一啲都唔易行。係佢嘅婚礼上,佢同爸爸讲:「虽然我今日仲未成为世界冠军,但今日,我成为左全国冠军。」爸爸同赛车成为左甄卓伟嘅人生目标之一,亦同时係佢继续係赛车场上寻找心目中零点一秒嘅动力。

汽车係好多人黎讲係用黎代步,当在于爱车嘅人角度,车就係我地嘅目标,係我地发奋嘅原动力。为左佢,你可能会废寝忘食,可能会令到自己嘅生活圈子有所改变,亦可能会因为佢,改变左你终身事业。时间对于赛车手黎讲可能十分重要,对于你黎讲,你心中嘅零点一秒,又蕴含住啲咩意义?

文:莱特
鸣谢:Dream Workshop HK & Andy Yan
製作:2DAYS
Via 本站原创 | 八卦车坛 | 评论(0) | 引用(0) | 阅读(2014)
分享到: